ITINERARIO

Para ir abrindo boca e poñer os dentes longos aos que non veñen con nós, :) aquí tedes o noso itinerario pormenorizado e moitos enlaces e vídeos para que coñezades mellor algunhas das marabillas que imos ver.

DOMINGO 16 DE XUÑO: 

Saída do colexio ás 09:00

Almorzaremos en ruta. Hai que levar a comida.

Despois de comer, chegaremos ao municipio de Colunga, en Asturias. Alí visitaremos o MUSEO DO XURÁSICO. 

Tras a visita, continuaremos a ruta ata o noso albergue, que está en Cantabria, no municipio de La Hermida, Peñarrubia, nun entorno natural privilexiado. Alí veremos as nosas habitacións, coñeceremos aos monitores que nos acompañarán, cearemos e pasarémolo ben, segurísimo, na primeira velada nocturna.

LUNS 17 DE XUÑO:  
Erguerémonos cedo e partiremos cara Fuente Dé. Así subiremos en teleférico e faremos unha pequena ruta polos picos de Europa. Nesta páxina hai magníficas fotos e nestas outras, máis información sobre o teleférico, Fuente Dé e os Picos de Europa.

Atrevédesvos?

Tras esta visita, coñeceremos a vila de Potes. 
Regresaremos ao albergue para comer e, pola tarde... MULTIAVENTURA!!! (escalada e rappel en parede natural, tirolina, escalada en rocódromo, tiro con arco e Sky line). 
Cea e velada nocturna.

MARTES 18 DE XUÑO: 

Visita ao parque da natureza de Cabárceno (participando na aula medioambiental e no espectáculo de focas). 

Comeremos cun picnic no parque. 

Tedes máis información sobre Cabárceno nesta páxina e nesta outra, onde veredes un mapa interactivo. Tamén hai información na Wikipedia.


Tras esta visita, sairemos cara o museo de ALTAMIRA. Alí visitaremos a réplica da cova, posto que a cova verdadeira non se pode visitar pois poden deteriorarse as pinturas. Tamén veremos o museo da prehistoria.

O museo tamén ten un canal en YOUTUBE con moitos vídeos interesantes. 

Posto que están moi preto de Altamira, faremos unha breve visita a Santillana del Mar, a vila das tres mentiras: nin é Santa, nin chá, nin ten mar. O que si é, é unha vila moi bonita.

Regresaremos ao albergue para tomar unha cea especial e disfrutar da nosa última velada nocturna de despedida.

MÉRCORES 19 DE XUÑO

No noso último día de excursión teremos que erguernos cedo para visitar a cova de El Soplao. Impresionante! Tedes que vela!! (Aquí hai que levar algo de abrigo, polo menos unha sudadera, porque dentro adoita facer un pouco de frío.)

Cova de El Soplao.

Reguresaremos a casa parando en ruta para comer, seguramente na vila asturiana de Cudillero, digna de coñecer, xa veredes.

Chegaremos ao cole aproximadamente ás 18:30 da tarde do mércores.

Empregando a GUÍA REPSOL podedes ver vós mesmos o tempo que nos vai levar dun sitio a outro. Pinchade na foto para acceder.