Aló imos, con Rubén a KENIA

Aínda non visitaramos o continente africano. Fixémolo con Rubén.

 

A nosa parada foi en Kalema, no país de KENIA, no continente de ÁFRICA.

Kenia está no LESTE do continente AFRICANO

A paisaxe que se amosaba no libro era unha sabana onde había un safari, con moitos animais e turistas desexando facer fotos. O lugar representado na imaxe é unha reserva natural moi importante chamada MASAI MARA. Chámase así porque a tribu MASAI habita esa zona e o río MARA crúzaa.

Leóns, rinocerontes negros, cebras, guepardos, hienas, xirafas... e especialmente os ñus, ocupan esa zona e son admiradas polos turistas desde os vehículos 4 x 4.

As adiviñas de Rubén axudáronnos a aprender cousas sobre:

- As LANZAS: que son unha arma moi lixeira e fácil de transportar. Úsanas os MASAI para cazar. Un cadro moi famoso que ten como protagonistas as lanzas é A RENDICIÓN DE BREDA ou AS LANZAS de VELÁZQUEZ.

O cadro ten un tamaño de 3'07 x 3'67 metros e está no MUSEO DO PRADO en Madrid

- O PÓ: aínda que pareza raro, os elefantes úsano para "lavarse" e manter alonxados aos insectos. Podédelo ver neste vídeo:

- Os TRÍPODES, que suxeitan cámaras fotográficas para que os curiosos tomen fotos sen ter que achegarse aos animais.

- A MONTAÑA KENIA, un monte precioso. O segundo máis alto de ÁFRICA.
Aquí o tedes:

Origen: http://es.wikipedia.org/wiki/Archivo:Pt_Thomson_Batian_Nelion_Mt_Kenya.JPG

 Recordades cal era a MONTAÑA MÁIS ALTA DE ÁFRICA?

Copyright 2000-2012, NewOpenWorld Corporation, (NOWC)

 Aquí a tedes: O KILIMANJARO, que está en TANZANIA

- Os CAMIÑOS, porque case non hai estradas asfaltadas como aquí.

- As CHISPAS. Porque os MASAI viven de forma bastante primitiva. O libro falábanos de formas de facer lume.

Pero, ATENCIÓN, PREGUNTA!!

¿de onde obtiveron os seres humanos

por primeira vez o lume? 

Dunha cerilla? Dun chisqueiro?  

Aquí tedes o GOOGLE para atopar a resposta e comentala na aula. 

Grazas pola viaxe, RUBÉN!!